नूतन लाल साहू

Add To collaction

बेमौसम बारिश ला देख बिन पिये नशा आगे

बेमौसम बारिश ला देख
बिन पिये नशा आगे

करजा करके किसानी करत हन
बेमौसम बारिश गला के फांसी होगे
बारिश ला देख गुणत हावव
मुढ़ धरके रोआसी होगे
बेमौसम बारिश ला देख
बिन पिये नशा आगे।
संसो फिकर म मरत हावन
जिनगी ह हमर उदासी होगे
कइसे चलही जिनगी के गाड़ी
चिंता फिकर म आगे तिजरा बुखार
बेमौसम बारिश ला देख
बिन पिये नशा आगे।
किसनहा मन बर काल हे ये
चिंता म तन होगे कोयला कस राख
जिनगी के भीतरी म दुख हा हमागे
आसूं हा नइ पोछावत हे आज
बेमौसम बारिश ला देख
बिन पिये नशा आगे।
थोरकन रहम तै कर दे विधाता
बिखरे जिनगी ला सजावन दे
जुग जोड़ी तोरेच बनाये हे
काबर तै रोवावत हस
बेमौसम बारिश ला देख
बिन पिये नशा आगे।

नूतन लाल साहू

   26
3 Comments
avatar

Shashank मणि Yadava 'सनम'

18-Dec-2023 07:25 AM

Nice

Reply

avatar

Reyaan

12-Dec-2023 07:45 PM

Nice

Reply

avatar

Gunjan Kamal

08-Dec-2023 07:50 PM

👌👏

Reply